Школа размешчана на тэрыторыі ААТ «Новы Бор» Навасёлкаўскага с/с. У мікрараёне школы — вёскі Скрыль, Скрыльская Слабада, Падвілле, Антанова, Хацешава, Гарэлец, Ліпск, Ржышча, Пцічанскае.
Гісторыя школы
Школа была заснавана ў 1881 годзе як школа граматы.
У 1910 годзе пераіменавана ў царкоўна-прыходскую.
Будынак школы быў драўляны.
Асноўнымі прадметамі былі закон Божы, арыфметыка, руская мова.
Першыя настаўнікі: Буцкевіч Леанід, Кунец Адам – яфрэйтар царскай арміі.
У 1917 годзе ўключана ў агульную сетку школы Саюза.
У 1921 годзе пачала работу як адзіная працоўная школа 1 ступені (чатырохгодка).
У 1938-1939 гадах пераіменавана ў сямігодку.Першы выпуск адбыўся ў 1941 годзе.
У час Вялікай Айчыннай вайны ўсе тры будынкі школы былі разбураны. У 1945 годзе заняткі аднавіліся ў наёмным памяшканні.
Загадчыкам школы пасля вайны быў Ямельян Маркавіч Ляпіч.
У 1949 годзе было куплена два пакоі ў вёсцы Бор. Школа зноў была рэарганізавана ў сямігадовую.
Новы будынак школы быў пабудаваны ў 1962 годзе.
У 1950 годзе дырэктарам школы быў назначаны Талкачоў.
З 1952-па 1965 гады школу ўзначальваў Канстанцін Нікіціч Шынкарык.
З 1965 па 1968 гады – Артур Сяргеевіч Салодкі.
З 1969 па 1975 гады – Міхаіл Фёдаравіч Кавалёў.
З 1975 па 2010 гады – Анатоль Яўгенавіч Аляшкевіч.
З 2010 па 2014 гады — Валянціна Фёдараўна Андрэева.
Сёння калектыў школы ўзначальвае Наталля Уладзіміраўна Валенкова.